因為有位朋友話我寫隨筆我似寫比人睇，所以痛定思過，決定唔寫，但係醒起有好多人tag左我(N個星期了) ，決定寫左佢。
規則：當你比人tag左，就要寫一篇note，內含16項有關你的事情，習慣，喜好，目標或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。
1. 衣著：
第一個要寫既係我的衣著，自從Year Two起漸漸講究，很多人稱之為基look，文林兄弟更常片我，「要扮基學趙華」已經係人所皆知，很多人受不了我的品味，就如熱愛名牌、著undersize、出街一定會沖涼、出夜街一定會噴香水等等……
2. 語文水平：
奇低，本來淨係英文差，上左大學中文都差埋，多謝林大大成日幫我改文，都唔知第日點番工，真係要惡補下，中化E文化D作文其他A晒一直都係我引以為傲的事。
3. 輸入法：
打英文好慢，打中文用九方，番工勁食屎，番Intern時試過打去IT部問有沒九方，可惜冇，最後帶部Notebook番工(機場呀！)
4. 朋友：
不算是相識滿天下，都算有不少好朋有，人緣很好，朋友都很就我，三個很好的很好的中同，不要說說我偏心，其中一個真係出生入死的好朋友，希望keep到，上左大學識左好Q多人，最friend最friend都係C Kam！我愛同房！
5. 教育：
小學協和、中學乃「名校」QC，雖然好多人都話我唔似，但我熱愛我的母校，公開試成績唔好，想入QFN入唔到，報左Toronto又因為In得唔好而無Scholarship，哭了一天，最後死死氣入左IBBA，仲要掛住玩成績唔好，其實我幾鐘意讀書……(冇人信……)
6. 活動：
最為人所知既係CCBA，做左兩年明影(我之莊得做兩年…始終唔覺自己型)，CCBA062 CCBA071 CCBA082，AIESEC都involve唔少，只係唔夠多，少d人知既係我大O，天狼星膠紙座組仔、More More Fighting魔界小金毛組爸、08主節部主，文林堂老鬼，順帶一提，09主節誠徵部主，經驗不拘，要有一顆熱烈的心，08組爸媽尢佳，有意志請至電62700438。
7. 愛情：
到現今做了二十一年騎士團(即A 0)，不少人會誤解我找女朋友要找老婆，我的意思只是希望第一個女朋友會是我的終生伴侶，人人都應該抱著「拍拖不是等散」的心態，不能接受拍住先，非常討厭d玩女人玩男人的人，順帶一提，Year 1 Year 2 細O大O d 人都話我唔似A0，點知Year3班仔女話我OK似，仲話我基，冇天理！I am PERFECTLY STRAIGHT!!!
8. 星座：
其實我冇點研究，但係見好多人都寫，我係天砰座，除了「浪漫的戀愛高手」及「過份要求公平」外，其他都幾中，詳情請看
http://www.angelfire.com/moon/mayee/libra.html 。
仲有一半，睇的要加油，我打超過一粒鐘嫁！
9. 家庭：
很愛我的家人，但沒兩咀，知情人士知我暑假家溤巨變，所以無去Exchange，多謝各位知情好友關心，唔知的就不要問了，我做每件事都有原因，自此，我常常要我身邊的朋友珍惜家人和眼前人，要多做身體檢查和小心身體，朋友中林大大知得最多，多謝你既支持，如果我係基真係會愛上你！
10. 運動：
一d運動天份都冇，樣樣都試冇樣叻，籃足排手、羽毛球、桌球、乒乓、溜冰、滾軌、泰拳、TicTak、陸運會所有項目我都玩過，持杆跳都試過，單車好細就識，算有d天份，但係學極都唔識游水！最叻仔係崇基陸運得到兩面接力銅牌！仲有一項運動我上左莊之後識，就係dem beat！
11. 生活：
我好鐘意狗，養過一隻西施叫Lucky，所以第日都好希望可以買幢村屋住，一層我屋企、一層我細佬屋企、一層爸爸媽咪，養一鬥狗仔，個人比較喜歡大狗，但係見到d長毛既狗又覺得佢地在香港好熱好辛苦，柴犬唔錯，鐘意d狗仔隻耳仔係企起到既！
12. 弱點：
有很多，除了不會游水，其中一個剛想起的是不會自己”Liu” 耳屎，卻很喜歡耳屎棒在耳內”LiuLiu” 下果種感覺，所以有求於我媽咪，是一個維持左廿年的親子活動，我媽咪話第日將呢個技能傳比我老婆，等我聽老婆話！
13. 電影：
很喜歡看電影，功力不深帶仍持續增長，有錢我會想讀一個同電影有關的master(有錢先算……) ，最鐘意卡通和Black Humor，睇既類別都算好濫，對電影有要求但係都好少怒片一套戲！
14. 哭：
男人老狗流血不流淚，生活中很少哭，通常都受委屈先喊，中六一次補習前哭(你還記得嘛？) 、中七Toronto reject我scholarship哭、剛上莊試個比人片到眼濕濕、Year2 Ocamp Day One 晚、今年細O Day One的一個電話，現實生活不算多，看電視看戲卻多得可怕，最離譜係<<一公升的眼淚>>，Download左自己睇，哭得死去活來，第二集哭到最尾隻，差唔多一播主題曲就哭，還有<<向井荒太的動物日記>>，最尾主角隻狗係主人懷中死去簡直喊到暈低！
15. 受傷：
我都算少整親的人，但和我打波多的一定知我勁易扭柴，就算行行下路都會無啦啦扭到，兩隻手指尾都因為「串魚蛋」裂過骨，Year Two曾經扭傷條腰，痛到死，愈訓愈痛，C Kam 夜晚三點陪我去威院睇急症，我愛同房！
16. 錢：
不少人認為BA同學都好貪錢，我亦不能否認，我亦有點「貪錢才入BA」的想法，只能說我需要錢做很多東西，十分不認同某好朋友夠食就算的想法，但的確要做自己喜歡的事，取一個平衡，我個人比較大洗，慕名牌、懶豪氣，好在識補習，媽咪又幫我比學費，才不至於破產，至於名牌，見人見志。
嘩！
打左兩粒鐘！
有冇認識我多d呀？
Tag邊但好呢？
是但啦！
冇比我Tag的唔好唔開心！
可能唔少心miss左你，尤其Tag左我果d！
每個圈子都Tag d啦！
有心機睇晒既人都係我的好朋友！
如果睇晒又冇比我Tag就留個Comment提下你係我的好朋友啦！
我份人係咁嫁啦！
都唔錯，用兩個鐘頭組織下自己，了解下自己！
知己知彼，先知己後知彼！
祝大家牛年 百戰百勝！！！
